Tótalí kreisí

2008-11-12T16:45:00.002Z

Afsakið hvað ég er léleg að svara símanum!

Ég er búin að eiga í erfiðleikum með að muna eftir símanum mínum upp á síðkastið...ég meira segja á það til að fatta ekki að ég sé ekki með hann á mér heilu dagana...held bara að ég heyri ekki í honum því enginn hafi samband. Svo þegar ég skríð upp í rúm á kvöldin og ætla að stilla vekjaraklukkuna á símanum uppgötva ég að hann hefur verið undir koddanum frá því ég slökkti á honum um morguninn. Þá sé ég líka hin ýmsu skilaboð sem hefur ekki verið svarað af minni hálfu... :( Sorrí abát ðatt!

En hey hvað er málið með Óla grís!?? Er hann alveg búinn að missa það?! Ég fæ alveg kjánahroll þegar ég hugsa um það sem hann lætur út úr sér á erlendri grund þessa dagana...Rólegur að væla í öðrum löndum og skammast...Nýbúinn að vera með læti um hvað íslendingar séu stórir og sterkir...Nú erum við pínulitlir og aleinir í þessum grimma heimi! Jájá, einmitt. Gott hjá honum að safna vinsældum svona...eða þannig.

2008-11-06T15:05:00.004Z

Reader

Vá hvað google reader er mikil snilld! Maður eyðir engum óþarfa tíma í að vafra um pennana...heldur sér bara á einum stað ef einhver hefur bloggað. Svít! Mæli með því fyrir alla sem vilja fylgjast með mörgum bloggurum og þá sérstaklega ef viðkomandi er ekki duglegur bloggari...Losnar við ergelsið að fara alltaf inn á síður með gömlum-marglesnum fyrirsögnum!

Annars er ég að lesa Endurkomu Maríu eftir vin minn Bjarna Bjarnason. Gaman gaman!

2008-11-05T14:48:00.004Z

rababaragrautur gítar te varalitur
...í því er té.

Vá hvað ég er lélegur bloggari.

Ég elska heimabakaðar kökur og bökur og svoleiðis. Langar mikið að vera soldið heimilisleg í vetur og læra hvernig á að gera svoleiðis. Vera með svuntu, sleif og hveiti í hárinu. Ég held ég byrji bara í þessari viku svei mér þá. Reyni kannski bara við skúffukökuna hennar mömmu.

Ég er annars að reyna að setja saman prógram til að halda á rósenberg eftir smá. Soldið gaman bara.

Ég er líka að reyna að átta mig á hvaða jólalög væri sniðugt að djassa upp.

Svo er ég að undirbúa jólaskókassa sem á að senda til Úkraínu...hann á að vera fyrir 7-9 ára stelpu. Skemmtilegt og fallegt prójekt sem allir ættu að taka þátt í. Sá ekki lítið eftir að hafa ekki tekið þátt í fyrra. Ef ég er dugleg núna næ ég kannski að útbúa tvo...einn stráka líka.

Ég var að skoða ævisögu Billie Holiday. Mikið merkileg kona sú. Vissuði að hún var handtekin "as she lay on her deathbed". Ekki lítið harsh...eins og flest annað í lífi hennar. Langar voða mikið að sjá "Lady sings the blues" og ætla að tjékka hvort Aðalvídjóleigan eigi hana ekki - Díana Rosa Skvís var tilnefnd til Óskars fyrir hana meiraseija.

bæ.

2008-09-02T14:15:00.003Z

Oh Priceless

Margt hefur gerst uppásíðkastið - tók svaka ákvörðun á fimmtudaginn og hélt svo tónleika á sunnudaginn þar sem skemmtilega fjölbreyttur og sívinsælli hópur (hjá mér - sko inní mínum haus - ekki það að ég haldi ekki að þessir einstaklingar séu að verða vinsælli annarstaðar) mætti manni til stuðnings. Það var gaman. Eftir að tónleikunum lauk var ferðinni heitið á veitingastaðinn Santa María og því næst á Melodica Acoustic Festival á Rósenberg þar sem sviðið var prófað nokkrum sinnum í skemmtilegu djammsessjóni - oh vá hvað var gaman! Ekki leiðilegt að rekast á öll gömlu andlitin aftur...

Ég fer annarslagið inná síðu sem heitir "overheardinnewyork" - ég geri það ef ég vil hlæja. Mæli með síðunni en hún skráir niður samræður sem hinir og þessir hafa heyrt hér og þar í eplaborginni. Ég sá þetta áðan og varð að deila...

Your Real Parents Are Never Coming for You, Kid

(family stands facing the empire state building)

Tourist son: Mom, which one is the Empire State Building?

Tourist mom: I think it's the one with the circley top. (points to the Chrysler Building)

Tourist dad: No, honey, it's the one way out there, on the water.

Tourist son #2: That's the Statue of Liberty. (to no one in paritcular) I can't believe I'm part of
this fucking family.

Hahaha.

2008-08-28T10:21:00.002Z

Fimmtudagur

Það er verið að mála ganginn fyrir utan skrifstofuna mína - ég hef staðið mig að því að falla nánast í trans við að horfa á rúlluna þekja viðbjóðslega karrí-gula-litinn sem var fyrir með hvítu. Eitthvað friðsælt við það. Sem minnir mig á það...ég verð að fara að mála heima hjá mér...Er búin að vera á leiðinni í allt sumar. Hlakka til að labba inni í ferskleikann þegar það er búið. Það er eitthvað hugleiðslutengt við að breyta veggjunum í kringum sig.

2008-08-26T11:08:00.002Z

Postsecret

Í byrjun hverrar viku fer ég inná postsecret og les leyndarmál annarra. Það er einkennilegt að lesa svona um hugsanir fólks sem maður hittir líklega aldrei. Það er einkennilegt að margir búa yfir, að því er virðist, sömu leyndarmálunum. Í dag fór ég að gráta þegar ég hafði lesið þetta:

mom, i have seen what that job has done to you. i've never seen you so stressed and depressed in my life. honestly, if you went to work with a gun, i wouldn't blame you. sometimes, the way you come home so sad, i want to go do it myself.

how about we don't give them the integrity of dying by our hands? how about we just forget them?

come on, mom. let's do it. let's move to new york. i know this is all you've been waiting for; for me to say something.

you don't have to put up with their bullshit anymore.

it's ok, mom. i'm ready to go.

2008-08-20T11:10:00.002Z

Sumarið

hefur verið mjög sérstakt. Hæðir og lægðir í mestum öfgum. Ég geri ráð fyrir að haustið verði ekki tilkomuminna. Fljótlega flýg ég til London og eyði peningum sem ég á ekki...Er að setja saman spennandi prógram fyrir tónleika...

Haustið leggst vel í mig...Ég lifi. :)

2008-07-23T11:16:00.004Z

Syngi Syng

Ég er soldið spennt. Syng í brúðkaupi á laugardaginn og er í fyrsta skipti í langan tíma ekki með leiðinda-hnút í maganum yfir giggi. Held ég muni muna eftir því að þetta á að vera gaman. Brúðkaupið og veislan á að vera út í Viðey...lítil kirkja, kjóll sem hægt er að nota aftur, svo lítill farði að hann hylur ekki freknur, tónlistarmenn eru vinir brúðhjónanna, einungis vinir og vandamenn og svona eins og ég ímynda mér að brúðkaup eigi að vera - í takt við fólkið sem er að gifta sig. Kannski að ég láti eitthvað hér inn um það eftirá...

Ó bæ ðö vei, ég hefði svoleiðis farið að háskæla held ég ef ég hefði orðið vitni að árás háhyrninganna á hrefnuna sem talað er um í fréttunum. Næs hvalaskoðunarferðin sú.

2008-07-17T15:36:00.002Z

Ég er komin með svakalega útþrá...Fæ oft yfir mig þessa dagana pínu innilokunartilfinningu og langar svo að brjótast út. Vil umturna öllu, snúa öllu á hvolf og byrja uppá nýtt. Ég sakna þess að vera ung og áhyggjulaus í Suður Frakklandi.

Talandi um Frakkland. Vá hvað ég fékk mikið blast from the past um daginn er ég labbaði niður bankastrætið. Blastið var svo mikið að ég snerist í hálfhring og skundaði ofurhratt í hina áttina - upp bankastrætið. Ég veit að það er ekki fullorðins og var örugglega mjög obvious ef einhver hefði verið að fylgjast með - en vá ég gat ekki hitt þetta past blast þar sem hann hefur reynt að vera í sambandi við mig í 7 ár og ítrekað lofað (hótað réttara sagt) að koma til Íslands og eh...giftast mér!! Auk þess var ég með slæmt keis af ljótunni - það hefði nú kannski leyst þetta en hvað get ég sagt...ég er grunn.

Tóta ljóta.

2008-07-17T13:33:00.002Z

Úff hvað sumir dagar eru erfiðir. Ég vildi óska að ég hefði einn eiginleika sem margir karlmenn búa yfir: afkúplingareiginleika, þ.e.a.s. það að geta algjörlega gleymt öllu og fókuserað á einn hlut í einu.

Ég verð að fara að jógast aftur.

2008-07-11T16:04:00.002Z

Changes

I´ve been up to a lot of things lately...camping, meeting friends, redecorating my apartment (work in progress), cooking, singing, writing... I´ve also done my share of laughing and crying. More the latter. I´ve had some low points. Been going through thought-provoking changes where I´ve thanked pain for making me feel alive again. I´ve started to unwind a long down-ward spiral that I had been circling for a long time. I´ve stopped being a half of an entity and begun the process of becoming whole again. And it feels strange and exciting and just mostly very good. I´ve actually started singing again. What I mean is I´ll break into song any time anywhere which is something I haven´t done in years...

I am enjoying the passing moments and collecting memories again. Good times ahead.

2008-06-04T02:29:00.002Z

A few others had decided to take a sunday-stroll in Harajuku.
These sock stores are everywhere!

The names of many stores crack me up...womens´wear store Bless Us All, beauty parlors called Love Me Do! and men´s wear store called:
A hahhahahahahha!

2008-06-04T02:15:00.002Z

The cars in the parking house at Roppongi Hills were quite extraordinary...
The next day the family went for a sunday stroll in the Harajuku district.
We had some trendy vegetable smoothies...
Where is Hanna Vala?
There she is!

2008-06-03T15:07:00.002Z

I had to document the comfort introduced to me to prepare for the 11 hour flight from Heathrow to Tokyo - pillows, blanket, socks, toothbrush+paste, tv w/ all the latest dvd releases and lots of classics (took me 40 minutes to choose a movie to begin with!). This all made me very happy.

After a rather long trip of very little rest and a small nap at my parent´s house in Tokyo we all went out to dinner at Roppongi Hills - a very popular fancy restaurant on the 55th floor. Amazing view (which I didn´t really catch in photographs) and very nice food.

Don´t mind the time on these photos since it shows the time in Iceland at the time. Yeah - time - time - time.

As it is 1 a.m. now I am going to bed - but promise to post more photos tomorrow! I´ve got plenty...

2008-06-02T12:23:00.002Z

Tokyo time!

Even though I feel a wee bit like one of cinderella´s evil stepsisters* due to size difference I love my visit to tokyo so far. Unfortunately I can´t upload photos since I´m charging the battery at the moment. Will soon though.

*seeing me trying to will myself into the largest shoes available here was quite good.

2008-05-29T09:23:00.002Z

Spennt

Mér finnst tilhlökkun góð tilfinning. En þegar ég segist hlakka til einhvers á leikarinn það til að segja "Don´t wish your life away".

Ég er svo spennt því á morgun flýg ég af stað til Tókíó. Í þetta skiptið ætla ég mér stóra hluti en þó ekki það stóra að þeir séu óraunhæfir. Ég hef lært af reynslunni. Ég stefni að heilbrigðu líferni - staðgóðum morgunverði, jóga og nægilegum svefni. Ég ætla mér líka að nýta tímann vel í skoða þann furðulega heim sem Tókíó er. Ég ætla meira að segja að reyna að blogga slatta um hann. Það er líka voða gott að vera að fara að eyða tíma með fjölskyldunni. Soldið spes að geta farið úr mannmergðinni og látunum og beint í faðm fjölskyldunnar. Svona soldið lítið Ísland í Tókíó.

2008-05-08T13:11:00.002Z

Ég verð að fara að nota nivea fyrst ég vil enda svona!!

2008-05-07T11:22:00.002Z

Oh Sol where art thou?

Ohhh, hvar er sólin!!??! Ég er greinilega mjög sólarþurfi því munurinn á mér milli bjartra og grárra daga er óhugnalegur. Á dögum sem þessum finnst mér nánast allt ómögulegt og drattast einhvern veginn áfram. Ég eyddi 20 mínútum í morgun við að reyna að finna mér jakka sem væri smá sumarlegur svo ég væri ekki alltaf svona svört - vildi líka reyna að koma mér í betra skap...því já föt gera það oft....önnur ástæða fyrir af hverju ég verð að fara að flokka föt og finna hina og þessa flíkina sem ég er löngu búin að gleyma að ég eigi. Ég fann engan jakka sem mér fannst passa og fór því bara í jarðarfaraátfitti í vinnuna. Ég er reyndar á grænum hælum.

Annars langar mig að benda ykkur á að lesa síðu ´tis the ballad of bob - hann á færslu dagsins. kom mér í ívið betra skap og er ástæða þess að ég ákvað að blogga rétt í þessu.

2008-04-08T15:10:00.002Z

Þótt Sólin skíni

Suma daga er erfitt að halda sönsum og sínu striki. Ég hef verið niðurlút í dag og því leitað mér að innblæstri þrátt fyrir að sólin hafi skinið í morgun og þrátt fyrir að ég hafi komið snemma í vinnuna og átt ágætis vinnudag. Ég er búin að fara minn hefðbundna blogg-rúnt en því miður virðast fæstir vera færsluglaðir. Ég var við það að fara að skoða stjörnuspekissíður, opruh og brian tracy þegar einn al-uppáhaldsbloggarinn minn bloggari dauðans-Ármann ákvað af góðmennsku sinni einni að gefa mér eitt eintak af bókinni sinni - Fréttir frá mínu landi. Þar sem hann bauð nokkrum lesendum sínum að hafa samband ef þeir vildu gefins eintak ákvað ég að slá til og sendi honum línu. Þó ég vinni aldrei neitt ákvað ég að ég gæti þó allavega þakkað honum fyrir skemmtilegheitin í gegnum tíðina. Það væri bara alger bónus ef ég fengi líka eintak. Oh viti menn...hann sagðist myndi gefa mér eitt! Ég hlakka mikið til að fá bókina í hendur. Mér líður strax betur! Takk Ármann!

2008-04-03T10:11:00.002Z

Ég vona að slyddan þrífi bílinn minn. Ég veit að það er eins og að segja ekkert en vá hvað veðrið á Íslandi er bilað.

Ég vona að enginn hafi slasast alvarlega á Suðurlandsvegi í morgun. Fékk hroll við lesturinn. Þrír bílar og kranabíll á leið til að fjarlægja þá alla. Ég virðist vera eitthvað viðkvæmari fyrir svona fréttum þessa dagana. Kannski þar sem vinnan hefur verið þess valdandi að ég hef þurft að kynna mér mannlegu hliðina á bakvið margar slæmar fréttir. Þá kann að vera erfitt að brosa og vera kæruleysislega hamingjusamur.

Ég sá þetta í gær. Mér þykja þessar myndir af fólki rétt fyrir og rétt eftir dauðann ofsalega fallegar en á annan hátt frekar óþægilegar. Ég las textann sem fylgdi hverri þeirra og þegar ég var búin að skoða allar 22 myndanna langaði mig að labba út brosa til fólks og drífa mig að gera eitthvað skemmtilegt eins og semja lag...gefa öndunum...labba niður í fjöru og syngja hástöfum. Mæli með því að allir skoði þessa myndasýningu.

2008-04-02T10:31:00.002Z

Trefill og löggan

Eftir að hafa labbað dágóðan spöl í bílinn minn í morgun stóðst ég ekki mátið, labbaði aftur heim náði mér í trefil og vettlinga og labbaði svo í vinnuna. Það er svo yndislegt að láta sólina skína á sig og vindinn kæla kinnar.
----------
Annars var ég obboslega pirruð í nótt því beint fyrir neðan gluggann minn voru læti. Löggan var búin að koma sér fyrir á hávaðasömu ferlíki og var að tjékka ástand ökumanna um hornið eins og svo oft áður. Mikið vildi ég óska að þeir ættu eitthvert annað uppáhaldshorn í miðbænum. Ekki get ég hringt í lögguna og kvartað undan hávaða löggunar. Æji, vottever...ég náði að sofna á endanum...

2008-03-31T16:43:00.002Z

Oh, ég fékk alveg hroll þegar ég sá fermingardrenginn og pabbann í morgunblaðinu í gær...Hverjum dettur í hug að gera barni sínu þetta? Mér finnst eitthvað krípí við að láta taka mynd af sér og syninum og auglýsa svo í blaði að viðkomandi sé fermdur. Ég veit ekki, kannski er ég full-dómhörð...

-----

Annars, ég ætla að reyna að nota meira naglalakk - það er eitthvað svo gaman að sjá neglurnar bleikar og glansandi á meðan ég pikka á lyklaborðið.

2008-03-28T16:46:00.002Z

Lykill

Oh hvað lykill getur verið mikilvægur! Hann eru eitthvað svo ómerkilegur og lítill en þegar maður sárlega vantar hann verður hann svo dýrmætur.

Þegar ég stóð fyrir utan útihurðina hjá mér í gær og leitaði að lykli í töskunni minni...zzzoooom!! - aði heilinn minn inn, upp stigann, í gegnum gægjugatið inn til mín og staðnæmdist á lykli sem lá afskiptalaus og saklaus við hliðiná örbylgjuofninum inn í eldhúsi. Ég varð að gista hjá vinkonu minni þar sem leikarinn var í roti á næturvakt.

2008-03-27T10:21:00.004Z

Wootwoot!

Í líkamsræktartímanum í gær, þar sem ég var að bograst við að setja lóð á stöng vatt kona sér upp að mér og spurði: "Hey, fyrirgefðu, ert þú kennarinn?"

Ahahahaha, langt síðan ég hef fengið svona skemmtilegt en skrítið hrós...Hún hefur sjálf kannski verið pínu embarassed þegar hún sá mig, 10 mín síðar, skjálfandi með spagettí-handleggina.

......

Játs svo er ég búin að tryggja mér og leikaranum miða á Bob Dylan! Rufus Wainwright eftir 2 og hálfa viku og bara híper-lúxus á manni! Ég hlakka svo til!

Góður dagur!

2008-03-26T14:05:00.003Z

Ahhh All the lonely people, where do they all come from?

Ég settist niður með fallega gítarinn í gær og æfði mig á laginu Eleanor Rigby. Það er bítlalag í uppáhaldi hjá mér. Mér finnst algjört möst að geta spilað allavega eitt bítlalag ef maður skildi einhvern tímann fá "eitthvað bítlalag...þúst hvað sem er bara". Ég er nefnilega ekki beint týpan sem getur spilað óskalög því ég kann bara einhver obsgjör lög. Verð að reyna að rétta þá stöðu aðeins.

Í kvöld verður það létt snakk, dipp og amerísk módel í góðum félagsskap. Það er ofsalega gott að vera búin að fá einn fjölskyldumeðliminn heim...litlu systur. Svo er ekki langt í að restin komi.

Hver veit? Kannski fer ég barasta í leikfimi eftir vinnu! Nóg komið af slori, kreppufréttum og almennum vetrarleiðindum. Ég stefni á að vera hot mama í sumar...

Kannski fer ég bara í heitapottinn í sundhöllinni...

2008-01-22T11:16:00.000Z

AAAArg!
Ég hélt að dagurinn í gær ætti að vera versti dagur ársins!

Dagurinn í dag:
vekjaraklukkan hringdi ekki og því vaknaði ég of seint og mætti seint í vinnuna.
það var vibba slyddu veður, hettan dugði ekki á þrammi mínu í vinnuna - mætti hundblaut og ósmart um hausinn í vinnuna.
það var steinn í skónum sem ég gat ómögulega losað mig við á miðjum laugaveginum vegna veðurs
róni á laugaveginum heimtaði hundraðkall sem ég átti ekki
róni gaf mér fingur og nokkur vel valin orð
hafði verið í vinnunni í hálftíma þegar löggan hringdi í mig og bað mig um að færa bílinn minn sem var (óvart) fyrir innkeyrslu heima hjá mér
ég þrammaði tilbaka í veðrinu góða og mætti mjög frústreðrari stelpu sem hundskammaði mig fyrir hvernig bílnum var lagt og fyrir að hún væri 30 mín of sein í leikfimi
baðst afsökunar og keyrði aftur í vinnuna þar sem ég lagði fyrir aftan vinnustaðinn og komst ekki inn og varð því að taka stóran hring í blautri hálkunni
ég var ennþá með stein í skónum þegar ég áttaði mig svo á að einhver ljúfur vinnufélagi hafði sett nýbakað og himneskt sérbakað vínarbrauð á borðið mitt...
hann náði næstum því að stroka út byrjun dagsins...

lag dagsins: Things can only get better

2008-01-14T19:11:00.000Z

Gleðilegt Ár!
Mikið finnst mér nýtt ár taka vel á móti manni. Ég byrjaði árið í N-Englandi með makanum og átti vægast sagt áhugaverðan tíma þar. Hitti vini og vandamenn í fyrsta sinn eftir 3ja ára samband. Það var gaman og hjálpaði mér að skilja margt í fari leikarans. Þegar við komum heim átti ég líka æðislegan sólarhring með einni bestu vinkonu minni sem átti einungis þennan sólarhring eftir af dvöl sinni á Íslandi. Það var yndislegt að eiga þennan tíma með henni þrátt fyrir að erfitt hafi verið að sætta sig við að hún væri hér svo stutt eftir að ég kom heim. Nokkrum dögum eftir lendingu fór ég svo í árshátíðarferð með vinnufélögum mínum. Ferðin var ofsa skemmtileg og var sérstaklega æðislegt að kynnast öðrum hliðum á samstarfsfólki. Mikið var gantast og var sérstaklega skemmtilegt að sjá hvernig leynivinavikan lukkaðist og hversu glaðir menn voru að fá að sýna sönghæfileika í karaoke. Mikið gott var borðað og drukkið og keypt. Ég er nú stoltur eigandi fjólublás og fallegs Karen Millen kjóls.

Nú er ég hæstánægð að vera komin heim og lít björtum augum á 2008...enda hef ég 10 nýársheiti að uppfylla. Ég hlakka í raun til að takast á við þau og mun reyna að blogga jafnóðum um hvert þeirra. Ég þarf aðeins að venjast að vera byrjuð að blogga upp á nýtt...Finnst eitthvað erfitt að segja nákvæmlega frá hlutum eins og er. Gott er þó að það eru ekki margir sem eru svekktir út í mig við það að lesa því ekki munu margir vera að lesa þetta nú :).

2007-11-23T11:30:00.000Z

Movie Names
"The Rural Juror" and its sequel "The Urban Fervor" - say them outloud...

hahaha.

2007-11-21T15:53:00.000Z

Dooce.com
Oh mér finnst dooce.com svo skemmtileg...hér er pistillinn í dag - hún er svo fyndin.

Kemur mér alltaf í betra skap ef ég þarf á því að halda. Eða nei, það er ekki rétt. Stundum kemur hún mér ekki í betra skap - þá er ég í einhverju öfundsýkiskasti út í hana. En það þýðir í raun bara að vanlíðan mín sé ansi mikil...

Hún er brilljant penni sem stofnaði bloggsíðu fyrir nokkrum árum. Þegar upp komst að hún var að skrifa um vinnufélaga og svoleiðis var hún rekin. Nú sér hún fyrir sér, manninum, hundinum og uppáhaldinu mínu Letu dóttur sinni með þessari einu síðu. Auglýsingatekjurnar eru greinilega mjög góðar miðað við það hvernig þau hafa það. Heather (bloggarinn) skrifar óborganlega pistla þar sem hún gerir óspart grín að sjálfri sér, fjölskyldumeðlimum og þeirri trú sem hún ólst upp við en sagði sig frá fyrir einhverjum árum - mormónatrú. Þrátt fyrir alla léttu og fyndnu pistlana slæðast margir virkilega góðir með þar sem hún ræðir opinskátt og einlæglega um alvarleg vandamál. Kímnin er þó aldrei langt undan og gerir Heather að einum skemmtilegasta bloggara sem ég les að staðaldri...

P.S. ég fann dooce.com fyrir nokkrum árum þegar ég komst yfir einskonar óskarstilnefningar bloggsíðna á netinu...

2007-11-21T15:10:00.000Z

Hugrenningar
Á leið í vinnuna í hádeginu sat ég fyrir aftan bíl sem í sat gömul og líklega (miðað við aksturslag) hægfara kona...Á bílnum stóð Gran man. Mér fannst það fyndið.

2007-02-16T14:28:00.000Z

ótrúlegt hvað skap breytist við birtu.

ég er að hætta á vinnustað mínum og fer út í óvissuna.

á mánudaginn byrja ég að læra að vera attorney.

í kvöld er keila+kokkteill, svo afmælisboð þar sem ég verð að "networka" og að lokum árlegur málsverður með samnemendum úr lögfræðinni. Passa mig bara á því að sitja hjá þeim sem eru ekki orðnir foreldrar.

söngur framundan. Hlakka mikið til að syngja í brúðkaupi í næsta mánuði. Það verður grand.

við leikarinn erum líka að upplifa mikið honeymoon þessa dagana. Bros, hlátur og gleði. ótrúlegt hvað skap breytist við birtu.

2007-01-05T16:28:00.000Z

Það er svo svakalega góð tilfinning að horfast í augu við eitthvað sem maður hræðist og takast á við það. Þegar maður gerir það má maður vera sjálfs-hreykinn.

2007-01-04T13:24:00.000Z

Ég er búin að skrá mig í Ashtanga jóga í Kramhúsinu og hlakka þvílíkt til að byrja. Verður voða gott að finna smá fyrir kroppnum eftir allan þennan tíma. Sit einmitt í niðurmjóu gallabuxunum mínum sem skerast inní mínar ástarhöldur, þrýsta fituflipum svo langt út yfir buxnastrenginn að þeir þurfa sér-æðakerfi til að halda á sér hita. Nammi namm hvað maður er girnilegur.

2007-01-04T13:08:00.000Z

...Já ferðin inn í árið hefur verið "turbulent". Up and down. Nú er fólkið að fara að kveðja. Mér þykir það alltaf mjög leiðilegt. Þau fljúga til Japan á Laugardaginn. Skárra þætti mér að hafa þau í Grafarvoginum allan ársins hring. Ég er einnig þegar búin að kveðja tvær góðar vinkonur mínar sem búa á Bretlandseyjum. Já það er furðulegt hvað líf okkar leikarans breytist yfir hátíðirnar. Venjulega búum við í hálfgerðri púpu sem fáir trufla. Við finnum okkur eitthvað að gera og erum sjaldan utan parsins sem við myndum. En um hátíðirnar mæta allir á svæðið, fólk flýgur inn frá Svíþjóð, Bretlandi, Ítalíu og Japan. Alltíeinu er rosa mikið að gera og við á fullu að reyna að koma öllu saman, hitta alla og halda jól. Það er því ekki laust við að manni líki kyrrðin sem myndast þegar jóladæmið er búið þó leiðilegt sé að kveðja ástvinina.

2007-01-03T12:19:00.000Z

Gleðilegt Ár! Oh hvað ég er ánægð með margt þessa dagana...lít bjartsýnisaugum á nýja árið og er ofsalega mikið að planleggja að verða betri á allan hátt í öllu...já já já já. Ég ætla m.a. að koma mér í jóga form, halda tónleika innan 5 vikna og blogga miklu meira. Ég ætla líka að vera voða proffi eða svona prófessjónal. Enníveis, ég vona að árið leggist vel í ykkur...

2006-11-29T10:42:00.000Z

Frétt dagsins. Þarna virðist meirihlutinn af viðkomandi bandaríkjamönnum vera eðlilegir aldrei þessu vant.

Annars er bara gott að frétta. Vinna vinna, er að reyna að púsla saman tónleikum og farin að hlakka heilmikið til jóla.

2006-10-11T10:49:00.000Z

Kjelling?
Mér finnst rosa najz að brjóta saman nærföt og reyna að púsla saman sokkapörum á meðan ég horfi á Dr. Phil...

2006-09-28T11:26:00.000Z

Góðan dag! Fór á djass-hátíð Reykjavíkur í gærkvöldi með ofurkonunni. Það var ofsalega gaman. Byrjuðum á NASA þar sem við hlustuðum á Stórsveit Reykjavíkur undir leiðsögn Bill Holmann (Holsmann?). Þó ég sé nú ekki mikið fyrir big band tónlist þótti mér gaman að mörgum köflum. Yfirleitt reyndar þegar um var að ræða góð sóló og eitthvað sem ég gat betur einbeitt mér að. Finnst svona big band dæmi oft svo bissí að ég verð alveg ringluð. Jóel Páls var æði eins og venjulega. Einnig fannst mér ljóshærði með glæru gleraugun á trompetinu úr Jagúar flottur. En sá sem stóð upp úr var algjörlega Siggi Flosa sem kom mér næstum til að gráta...með saxófónleik! Hann svoleiðis söng sorgmætt í gegnum hljóðfærið og hreif áheyrendur með. Bill stjórnandinn var töff, hreyfði sig lítið sem ekkert og hefði alveg eins getað verið að lesa dagblað. Hann notaði litlar handahreyfingar og var mjög collected. Smellti fingrum hér, aðeins þar...Sjarmerandi kall.
Næst var förinni heitið á Q-bar þar sem Tríó Lásúr var að spila. Við náðum seinasta borðinu þar inni og fengum okkur í tánna. Tríóið var vel skipað - en ég þekkti í raun bara einn þeirra, Árna Heiðar píanóleikara sem var nánast óþekkjanlegur í hettupeysunni sinni. Ég er vön að sjá hann í jakkafötum. Fór honum vel að lúkka svona afslappaður. Passaði líka vel við tónlistina sem var svona mellow djass með standard stíl. Gott að hlusta á. Gott að tala yfir. Í alla staði þægileg.
Leikarinn minn bættist svo í hópinn okkar eftir vakt. Einnig hittum við eina góða vinkonu mína óvænt sem olli mér þó áhyggjum frekar en gleði. Hún var greinilega búin að vera lengi að og var algjörlega óviðræðuhæf. Hef áður ekki þorað að segja nákvæmlega það sem mér finnst en sé að nú verð ég að reyna eitthvað - annars gæti ég nú ekki kallað mig vinkonu.
Enníveis, vildi bara svona stimpla mig inn.

2006-08-02T13:38:00.001Z

Conductor: This train is very crowded. If you cannot fit, please step back and wait for the next train. If you manage to get onto this very crowded train, look at the person next to you and tell them, "Howdy!"

2006-08-02T13:38:00.000Z

Conductor: You can switch to the A train across the platform. However, I would much rather you stay on this train

2006-08-02T13:37:00.000Z

Conductor: Never give up on life. Keep hope alive. This is 30th Avenue.

2006-08-02T13:35:00.000Z

Conductor: This is a Brooklyn bound B train. Like bitch.

2006-08-02T13:33:00.000Z

Overheard in NY...sannar sögur sem vegfarendur skrá af samræðum eða tilkynningum sem þeir heyra. Ofsa skemmtilegt. Dæmi:

Conductor: This is an express, uptown C train. You heard right: an express C train. Next stop: 125th Street. If you need local service on the Upper West Side, please transfer across the platform to the D, as in "Daddy done did it" or B, as in "bad boy Bobby Brown" train.

2006-08-02T11:46:00.000Z

You are younger today than you will ever be again. Make use of it for the sake of tomorrow.

2006-08-02T10:53:00.000Z

Hamingjusömustu þjóðir heims. Skil ekki hvernig það getur passað að íslendingar séu í fjórða sæti yfir hamingjusömustu þjóðirnar. Skil ekki hvernig hægt er að komast að þessari niðurstöðu. Fram kemur í Mogganum að danir séu hamingjusamastir í heimi, þrátt fyrir það sé sjálfsmorðstíðnin í Danmörku ein sú hæsta í heiminum. Einnig hefur komið fram að íslendingar séu einna duglegastir við inntöku prozaks og annarra álíka geðlyfja. Þetta hljómar því allt mjög mótsagnakennt. Íslendingar virðast þurfa að segjast alltaf vera úber-hressir þó greinilega sé staðan önnur...Í fréttinni í mogganum kemur fram að Japanir séu í 90. sæti hressleikalistans og velti ég fyrir mér hvort þeir séu ekki í rauninni bara hreinskilnari en við vesturlandabúar.

--------------------------------------

Gaman var að labba í vinnuna í morgun og leyfa sólinni að sleikja bera leggi. Það var létt yfir öllum sem ég mætti og almenn vellíðan í loftinu. Mikið er hressandi að mæta til vinnu með bros á vör. Dagurinn í dag er betri en dagurinn í gær.

--------------------------------------

Nýjasta Grapevine býður upp á ansi skemmtilegar greinar. Pistil og viðtal varðandi hamingju íslendinga...mæli eindregið með viðtalinu. Það er tekið af Sindra Eldon við 90 ára íþróttagúrú sem heitir Stefán Þorleifsson. Mjög skemmtilegt og upplífgandi viðtal. Sindri kemur mér á óvart með hógværð sinni sem ég verð að viðurkenna að ég hélt hann hefði enga af...

2006-07-26T13:32:00.000Z

Borðaði æðislega rosa spicy súpu í hádeginu á Apótekinu ásamt æskuvinkonu minni, Jo Svail, og naut gefandi samræðna. Fann hvernig rofaði til í hausnum á mér meðan chili-ið vann á hori og bólgum í hausnum á mér og ég ræddi við hana um uppáhaldsumræðu efni flestra - samskipti kynjanna. Við eigum það sameiginlegt að vera ansi duglegar að pirrast á bjánaskap manna okkar þessa dagana. Við eigum það líka sameiginlegt að byrgja slíkar tilfinningar inni þar til þær gera okkur að tifandi tímasprengjum. Það fer svo í taugarnar á mér hvað maður verður heimskur þegar maður verður reiður. Allavega er ég þannig. Ég verð svo reið stundum að ég missi málið og öll rökhugsun hverfur og kem þeim sem ég er reið við engan veginn í skilning um hvert málið snýst. Vil endilega reyna að temja mér betri leiðir til tjáskipta...

Annars hlakka ég til að komast heim eftir vinnu og kúra undir teppi því ég er gjörsamlega að lognast út af vegna kvefs, hálsbólgu, beinverkja og hita (held ég). Líka gott að vita af leikaranum heima snemma...Hann á það til að búa til svo góða heilsudrykki fyrir mig þegar ég er slöpp. Kannski að maður fái líka smá lestrarstund hjá honum...

2006-07-25T14:45:00.000Z

Ég elskaði eina setningu úr Memoirs of a Geisha sem ég horfði á í gærkvöldi. Setningin var eitthvað á þessa leið: "Love dies a slow death...every hope falls off like leaves of a branch until the branch is bare."

Hitti Drífu vinkonu í hádeginu sem var ansi refreshing. Alltaf gott að hitta góða vini.

2006-07-21T13:35:00.000Z

Nýtt templeit svona til að krydda og kannski ýta mér frekar útí meiri skrif á þessari síðu...Á enn eftir að laga kommentakerfið...get nú ekki eytt meiri tíma í þetta svona í vinnunni.

Umm ....fór í grillað lamba fillet í gær hjá mömmu og co...Ég rúllaði svo um húsið og tók asnalegar myndir með systrum mínum. Lauk svo kvöldinu upp í sófa í fanginu á leikaranum að horfa á ógnvekjandi heimildarmynd um Asteroids sem gætu skollið á jörðinni og skemmt allt.

Nú þarf ég að vera sniðug það sem eftir er dags svo ég þurfi ekki að vinna fram á kvöld....

2006-07-21T12:51:00.000Z

Oh hvað skapið lyftist í þessu líka yndislega veðri. Er ég labbaði fram á skítugan bíl í morgun varð mér hlýtt til unglinga. Einhverjir höfðu tekið sig til og skrifað nöfnin á öllum klíkuhópnum í skítinn á bakrúðu bílsins. Mér fannst það eitthvað svo skemmtilegt.

2006-07-13T11:31:00.000Z

2006-07-11T14:44:00.000Z

ó já góðan dag! Ein besta vinkonan átti ammæli í gær...Til hamingju elsku Þórhildur!!! Ég öfunda hana ekki lítið af því að vera í sveitasælu einhversstaðar í Úthlíð. Á meðan sit ég í hálfgerðu myrkri inná skrifstofu sem er svo illa staðsett að ég verð að horfa út á Austurvöll til að sjá hvort sólin skín. Ekki skín hún inn um gluggana...væri til í svona spegil fyrir utan sem endurkastaði sólinni inn til mín. Mér finnst svo gott að sjá sólargeislana þó ég sé ekki úti að njóta þeirra.

----------------------------------------------

Annars er ég mjög lukkuleg með kjarakaup sem ég gerði í gær í rauðakrossinum. Keypti mér geðv. gallajakka og svo ralph lauren jakka á 1600 kr samanlagt. Segiði svo að það borgi sig ekki að kafa eftir fjársjóðum í ruslinu!

----------------------------------------------

Leikarinn minn situr nú sveittur öll kvöld og æfir íslenskan framburð. Ég reyni að hjálpa honum eins og ég get en vá hvað ég fatta núna hvað tungumálið okkar er erfitt! Oft sem ég get bara ekki útskýrt fyrir honum af hverju eitthvað er eins og það er...þetta er bara hvorugkyn...já krónur eru kvenkyns...afmælisdagsetningar enda á a nema þú eigir ammæli annan dag mánaðar...bara, já þetta er bara svona.

----------------------------------------------

Sá gaur í morgun á leiðinni í vinnuna reykjandi vindil. Mér fannst það eitthvað svo ólekkert.

----------------------------------------------

Annars tilkynni ég fljótlega um tónleika hér á síðunni. Stay pósted!

óver end át.

2006-06-28T10:45:00.000Z

Já nú er maður orðin 28 ára! Ég er ekki frá því að mér líði öðruvísi...eins og ég sé soldið fullorðins núna. Ég átti yndislegan afmælisdag á mánudaginn þar sem stjanað var við mig í öllum pásum og frítíma. Í hádeginu kom ég heim í máltíð sem leikarinn hafði undirbúið og gjöf sem innihélt tónlist sem ég hef aldrei heyrt nefnda áður eða heyrt í og var ég því himinlifandi...enda finnst mér ekkert skemmtilegra en að uppgötva nýja tónlist...þá sérstaklega ef hún er ekki ný í rauninni heldur bara fyrir mér. Svo er ekki leiðilegt þegar ástin manns hefur soldið fyrir manni. Enníveis...ég fór svo í mat til mömmu og fékk nákvæmlega það sem ég pantaði og köku. Það var eitthvað svo yndislegt og soldið svona barna. Ég fékk líka æðislegar gjafir frá foreldrunum og systrum. Eitt það sem kom mér þó skemmtilegast á óvart og snart mig innilega var hvað það voru svakalega margir sem mundu eftir afmælinu og létu heyra í sér. Minnir mann á það hvað það er gott þegar maður man eftir öðrum. Þarf að standa mig betur í því. Fólk er eitthvað svo viðkvæmt og lítið í sér á afmælisdaginn sinn...Maður á það til að gleyma því.
Í lok dags færði leikarinn mér yndislega bók sem ég hef verið að lesa síðan...ég mun örugglega vitna eitthvað í hugmyndir úr henni. Frábær bók sem hollt er fyrir alla að lesa. Hún heitir The Creative Habit.

2006-06-26T10:31:00.000Z

Hey engir tónleikar...frestað.

2006-06-16T12:02:00.000Z

Og hey allir sem lesa þetta (Sigga) - Ég verð með tónleika á Rósenberg 29. júní. Þeir byrja svona á bilinu 9-10.
Smá blús, jazz og svona.

2006-06-16T11:20:00.000Z

Ó já á morgun verður selt selt selt! Ég er nú búin að vera í nokkrar vikur að undurbúa Kolaportssölu mikla. Nú er komið að því og líka eins gott þar sem sífellt bætist í bunkann dót sem ég ætla að reyna að selja. Ég er samt pínu stressuð þar sem ég kann ekki neina svona selju kaupi sálfræði og veit ekkert hvernig skal verðleggja, prútta eða yfirhöfuð meðhöndla fólk sem vill eitthvað frá mér. Mér finnst einhvern veginn líklegt að ég eigi bara eftir að gefast upp og gefa hluti þar sem mér finnst asnalegt að rukka fólk um pening fyrir hluti sem ég er búin að vera að nota eða plana að nota eða geyma til að gefa eða geyma til að breyta eða vottever. Ég er líka búin að vera að setja hluti í bunkann sem ég vil alveg eiga en ef ég get selt þá því mun betra...enn fleiri afsakanir til að kaupa sér eitthvað nýtt!
Til að hjálpa mér með alla sálfræðina verður þarna góð frænka mín sem er ýmsu vön og meira að segja systir konunnar sem stofnaði Kolaportið upprunalega...Hún ætti að geta haldið mér við efnið. Við verðum þarna með tvo bása í röð - rauðhærðar og mjög líkar. Vá maður er bara orðin Kolakjelling!
Annars er yngsta gerpið komið til landsins og ætla ég að sneakpeak her í klippingu eftir smá...Hlakka ekki lítið til að sjá frekjuna ;)
over & out.

2006-06-09T09:56:00.000Z

Ég er nýbúin að kaupa mér nýjan síma, síma sem ég skil, síma sem virkar og síma sem mér finnst skreyta mig eins og skartgripur. Ég er að tala um Nokia 7360 (held ég) og er hann svo precious að ég vanda mig við að leggja hann frá mér, pússa hann í hvert sinn sem ég tek hann upp og er nú búin að skreyta hann með japönskum límiðum og japönsku glingri. Svona glingur sem lætur þig líta út fyrir að vera svaka fína hringi á fingrunum á meðan þú smsar. Material girl.

2006-06-08T14:50:00.000Z

Ég fékk alltíeinu smá inspæreisjón frá orra á www.orri.org og ákvað að láta bara gamminn geysa í tvær mínútur. Þessa dagana er ég svaka bissí. Mamma komin frá Tókíó, tónleikar nálgast og nóg að gera í vinnunni. Svo erum við leikarinn mikið að planleggja...ætlum að ferðast slatta innanlands, allt er slatti þegar maður gerir ekki neitt af því ever enníveis, og við verðum að hafa efni á því. Hlakka mikið til að keyra út í buskann, tjalda, og labba, borða nesti og vera græn og blá af ferskleika. Svo má ég ekki gleyma einu...ég er að fara að selja slatta af dóti í Kolaportinu, allt á að fara, ég nenni ekki að reyna að þrífa lengur í kringum mig heima því þar er svo mikið drasl. Þetta verður í fyrsta skiptið frá því ég var 14 sem ég losa mig við eitthvað af fötum for crying out loud! Ég ætla að reyna að fá fyrir verðinu á borðinu og aðeins meira vonandi...Aðalpunkturinn verður þó að unclutter my head heima hjá mér, geta rúllað út jógateppi án þess að þurfa að færa allt til, að geta lagað til á nokkrum mínútum og geta hugsað eina hugsun til enda án þess að rekast á eitthvað. Ég hlakka svo til! Kolaportið: 17-18 júní. Held að það verði í fínu lagi þó um sé að ræða sjálfstæðishelgina...Við verðum þarna tvær skrítnar og rauðhærðar á sitthvorum básnum og svo grunar mig að við fáum einhverjar nokkrar hjálparhellur. Verið velkomin!

2006-06-06T16:28:00.000Z

Angels in America. Vá. ótrúleg sex-þátta þáttaröð með fólk eins og Al Pacino, Emma Thompson, og Meryl Streep í aðalhlutverkum. Mike Nichols leikstýrir. Þetta eru þættir frá 2004 sem eru virkilega vel gerðir og góðir...Skil ekki af hverju maður hafði ekki heyrt um þá áður. Eina ástæðan fyrir að við leikarinn vissum af þeim var sú að vidjóleigukallinn okkar á Aðalvídeóleigunni benti okkur á hana. Hlaupið þangað og leigið!

2006-05-22T15:08:00.000Z

Það má enginn láta framhjá sér fara ræðu grínistans Colbert sem í boði Bush nær að snúa öllu þannig að Bush lítur út eins og fíflið sem hann er... þetta er alveg magnað og ótrúlega vogað af Colbert!

2006-05-18T16:21:00.000Z

fyndin auglýsing fyrir loðna karlmenn...

2006-05-18T15:53:00.000Z

Einn af uppáhaldsbloggurum mínum, www.dooce.com, fær borgað fyrir að skrifa pistla á síðu sem heitir www.alphamom.com. Mér þótti gaman að sjá að einn fyrsti póstur hennar fjallar um Sigur Rós. Mjög góð grein sem lýsir betur en nokkur annar sem ég hef lesið hvernig upplifunin af hljómsveitinni live raunverulega er. Hér er greinin : http://www.alphamom.com/site/dooce/2006/05/15/post_1.html

2006-05-17T16:08:00.000Z

Ég stal þessari úrklippu af síðu Badabing.is - ég bara varð. Þvílíkur ritdómur. Þið verðið að lesa hann!

2006-05-17T15:53:00.000Z

2006-05-03T19:00:00.000Z

Já tíminn líður og ekkert er bloggað. Frá því ég skrifaði seinast hef ég ferðast slatta og heimsótt vini og vandamenn. Lengst fór ég til Tókíó. Það var ótrúleg upplifun og er ég nú þegar byrjuð að plana aðra ferð þangað. Ég verð að viðurkenna að fyrstu vikuna þar gapti ég bara. Allt svo svakalega ólíkt öllu sem ég hef vanist en samt horfði ég upp á sömu sólina og skín hér heima. Nú er ég að skipuleggja nýja tónleika með strákunum og stefni á fimmtudag upp úr miðjum júní. Læt vita þegar ég veit meira. Annars er ég að fara að reyna að plögga Kjartan píanó núna á eftir þegar hann heldur tónleika á Þjóðleikhúskjallaranum. Gangi mér vel! :)

--------------
eitt í viðbót...ef e-r hefur áhuga á að vera vinur minn á myspace þá er síðan mín www.myspace.com/thorunnpalina

2006-05-03T18:58:00.000Z

Þórunn --
[noun]:

A brand of soylent green breakfast cereal

'How" will you be defined in the dictionary?' at QuizGalaxy.com

2006-03-29T11:05:00.000Z

Ég hef legið í smá dvala en líður vel. Ákvað að láta þá vini og vandamenn mína sem heimsækja síðuna vita að allt er í góðu þó ég hafi lítið látið á mér kræla undanfarna mánuði. Við skötuhjúin fórum til Rómar ásamt vinnunni minni og komum heim fyrir rúmri viku. Það var mjög skemmtileg ferð og algjörlega nauðsynleg. Það var svo gott að komast í annað umhverfi. Einnig urðum við vitni að ótrúlegustu hlutum sem ég mun kannski segja frá hér þegar tími gefst (hef lofað upp í ermina á mér áður og ætla mér því ekki að gera það aftur). Einnig er allt gott að frétta af leikaranum sem loks er kominn í vinnu sem gefur honum eitthvað meira en pening. Hann er meira að segja farinn að læra íslensku!
Já dagarnir lengjast og lundin verður léttari með hverjum deginum. Það birtir alltaf aftur eins og amma Gréta segir.

2006-02-02T13:33:00.000Z

mikið fer þessi pistill í taugarnar á mér...hér er verið að tala um Skandinavíu snillingur, ekki Norðurlöndin. Ísland er ekki hluti af Skandinavíu og þess vegna ekki nefnt af augljósum ástæðum.

2006-02-01T09:56:00.000Z

gott í morgunsárið

2006-01-31T16:37:00.000Z

Oh hvað ég er fegin að ég ákvað að taka mér pásu frá skrifborðinu til að horfa á handboltann. Það er ekki oft sem maður sér íslenska liðið halda dampi út heilan leik. Og ekki verra að það sé einmitt gegn þeim allra seigustu, rússum. Oh já, ég skil ekki af hverju leikarinn er ekki uppnuminn með mér í þessu...Meira að segja danir héldu hávært með Íslandi.

2006-01-31T10:21:00.000Z

Gnarls Barkley. Refreshing tónlist á sinn gamaldags-hátt. Endilega finnið þessa tónlist og hlustið. Hún er ný en lýtur samt gömlum lögmálum, eins og reyndar öll tónlist. Mér finnst samt eitthvað svo upplífgandi að hlusta á lögin þeirra á morgnana þegar það er enn dimmt úti. Ég held að þér þætti það líka.

Ég er farin að fá fiðring í fingur aftur og ætla mér því að byrja að blogga aðeins aftur. Svona "therapeutic" tjáning. Veit að fáir munu lesa og er það bara betra. :) Gleðilegt árið!

2005-11-04T15:59:00.000Z

Mikið er gott að það sé hérumbil komin helgi. Þetta verður svona dund helgi. Ég ætla mér að hafa það kósí. Laga til, sortera, leggjast svo undir teppi með heitt súkkulaði, lesa Hálfbróðurinn. Vonandi er sambýlismaðurinn á sama máli. Ef ekki, beiti ég "seduction through stomach" aðferðinni til að fá mínu framgengt. Ef það virkar ekki getur hann bara verið sóló þessa helgi og ég líka... Góða helgi!

2005-11-04T11:37:00.000Z

Meðmæli
Ég er að lesa bókina Hálfbróðurinn eftir Lars Saabye Christensen. Hún er yndisleg. Kemur mér til að gráta og hlæja á víxl. Mæli eindregið með henni.

Horfði á breska þáttinn "Shameless" í gærkvöldi. Ég gæti hlegið og grátið á víxl yfir þeim þáttum. Mjög vel skrifaðir og leiknir, grátbroslegt efni um lágstéttarfólk í Manchester sem lifir á bótum. Mæli líka með þeim.

2005-10-27T10:11:00.000Z

mig langar í svona!

2005-10-27T08:36:00.000Z

sjarmerandi par.

Einnig er sjarmerandi að sitja við tölvu sína á skrifstofunni, með nýlagað kaffi, eftir vægast sagt napran göngutúr í vinnuna. Vá hvað mig langar í úlpu!

2005-10-26T14:29:00.000Z

þetta er skemmtilegt.

2005-10-21T11:35:00.000Z

Klukk

Nú er komið að því að ég svari klukki sariomario.

1. Þegar ég var lítil sagðist ég alltaf ætla að verða málari eða dansari. Ekki sjéns bens að ég yrði tölvunarfræðingur, leikkona eða lögfræðingur! Mér fannst tölvunarfræðin hljóma svo leiðilega og hin tvö voru svo skerí þar sem í þeim fólst hálfgerð ræðuhöld. Lítið vissi ég þá. Allar atvinnugreinarnar komu svo til greina fyrir utan tölvugeirinn þegar á leið. Reyndar gekk ég í gegnum allangt tímabil þar sem ég ætlaði mér að verða fornleifafræðingur og kennari. Á morgun tek ég svo við skírteini sem segir að ég sé orðin löffi.

2. Ég er rosalega sein. Eitthvað sem hefur hrjáð mig frá því ég man fyrst eftir mér (þegar mamma teymdi mig yfir gangbrautina á Miklubraut og kvaddi mig hinum megin - átti ég alltaf eftir að hlaupa restina af leiðinni út í Melaskóla til þess eins að fá "sein" í kladdann - þarna var ég 6 ára). Ég var einu sinni svo sein að ég missti af seinasta stúdentsprófinu mínu í MR, munnlegu stærðfræðiprófi. Skólayfirvöld voru hlessa og hissa og vissu bara ekkert hvað átti að gera í þessu þar sem þetta hafði ekki komið fyrir áður í 150 ára sögu skólans. Ég fékk að taka prófið með mikið minnkuðu vægi. Þetta með vægið var mjög slæmt fyrir mig þar sem ég þurfti soldið mikið á prófinu að halda til að hífa upp stærðfræði-einkunnina. Ég hafði nefnilega gert þau mistök að þreyta sjúkrapróf í skriflega-stærðfræði-stúdents-prófinu mínu sem hafði verið samið fyrir mig eftir að ég tilkynnti veikinda-forföll samdægurs umfjöllun moggans um tónleika sem ég hafði sungið á kvöldið áður sem skreytt var risastórri mynd af mér að góla í míkrófón. Það féll ekki vel í höfund prófsins sem gerði það að verkum að það var vægast sagt erfitt.

3. Ég er safnari. Það er mikil og erfið þráhyggja sem ég reyni eftir fremsta megni að beisla. Ég hef safnað öllu. Neim it. Ég safnaði einu sinni lifandi fiðrildum, setti þau í krukku og gleymdi þeim. Það var hræðilegt. Ég man að ég hélt ég myndi fara til helvítis þegar ég uppgötvaði morðin.

4. Þegar ég var 14 ára var ég í grunge-bílskúrshljómsveit. Það voru fyrstu alvöru skref mín í tónlistarheiminum. Áður hafði ég reynt að komast í stúlknakór belgíska skólans sem ég var í. Það gekk ekki. Ég hafði líka reynt að komast inn í söngleik en fékk ekki einu sinni að leika tré. Svo átti margt eftir að gerast og er enn að gerast!

5. Ég lét gera gat í tunguna á mér þegar ég var 19 og foreldrarnir í útlöndum. Nokkrum tímum síðar byrjaði að fossblæða úr tungunni þar sem ég var stödd ein heima. Fyrstu viðbrögð mín voru að ná í glas sem ég hélt á fyrir neðan munn minn á meðan ég hringdi heim til bestu vinkonu minnar. Pabbi hennar svaraði og hélt fyrst að ég væri blindfull. Enda var erfitt að gera sig skiljanlegan með fullan munninn af blóði. Áttaði hann sig svo á því að ekki væri allt með felldu og hringdi á hjálp. Á meðan ég beið þrammaði ég um íbúðina með glasið undir munni og lagaði til. Stuttu síðar parkeruðu tveir sjúkrabílar fyrir utan húsið með látum. Ég fékk engu um ráðið og var sett upp á "stretcher" og keyrð uppá spítala. Það tók fjóra tíma að stoppa blæðingarnar enda hafði lokkurinn farið í gegnum slagæð. Já maður er rokk.

og nú klukka ég Jóhönnu Svölu, Önnu Siggu og Hönnu Völu.

2005-10-21T11:05:00.000Z

Loksins löffi
ideally myndi ég vilja vera með útskriftarboð, jafnvel svona sætt heima í stofu með freyðivín og snittur þar sem vinir og vandamenn kæmu saman og skáluðu með mér...Ég hætti þó snarlega við nokkur svoleiðis plön þegar ég byrjaði að telja upp einstaklingana sem ég ætti að bjóða. Já nei, ég gæti bara ekki gert þessu fólki það að þurfa að standa saman inn í sama litla rýminu. Það boðar ekki gott að hóa saman liði sem á það til að fara í ævilangar fýlur við minnsta tilefni, sem á það til að drekka aðeins of mikið, sem á það til að loka sig af út í horni, sem á það til að segja hluti sem hræðir fólk, sem á það til að gera lítið úr öllu og öllum. Auðvitað er ég aðeins að tala um einstaka einstaklinga, en þeir duga til að mér finnist eigið útskriftarboð mjög ósexí hugmynd. Ekki nóg með að mér finndist ég vera að gera gestunum grikk, heldur væri ég að sýna einhverja sadista (eða var það masókista - man aldrei hvort er hvað) tilburði. Ég væri allavega að passa uppá að ég eyddi u.þ.b. tveimur klukkutímum í einhverjum keng, þar sem ég væri að reyna að passa uppá að enginn móðgaði neinn eða misskildi. Þar sem ég væri með stíft sparibros að þykjast ekki taka eftir skotum sem miðað væri framhjá mér þvert yfir herbergið. Þar sem ég væri að reyna með veikum mætti að fá fólk til að hlæja að hallærislegum bröndurum, því enginn kann að segja eins lélega brandara og ég þegar ég er í stressaða gestgjafahlutverkinu. Já nei, allt mjög ósexí. Ég hef því ákveðið að eyða klukkutímunum á eftir útskriftinni í að gera eitthvað sem veitir mér hugarró og afslöppun. Svo verður ferðinni heitið á La Primavera með leikaranum í okkar fínasta pússi klukkan 8. Mikið er ég fegin að hann er á landinu.

2005-09-30T16:37:00.000Z

...Maðurinn brosir. Djöfuls ógeð.

2005-09-30T09:50:00.000Z

sat á móti Kate Moss í nótt. Veitti henni sálræna aðstoð vegna kókaínshneykslis og missis stærðar auglýsinga-samninga. Dró fram úrklippusafnið til að sýna henni hversu æðisleg mér finndist hún...í safninu væru fullt af myndum af henni. Ég fletti og fletti en fann ekki eina mynd af henni. Ég var enn að fletta þegar ég vaknaði.

Ekki einu sinni í draumi get ég afsakað úrklippu-fíkn mína. Rosalega er Kate Moss samt nice.

2005-09-29T09:55:00.000Z

ég er að deyja úr spenningi yfir mörgu þessa dagana. Eitt af því er lagavalið mitt upp í FÍH fyrir næsta stigspróf...ég er alveg að tapa mér. Ætla mér að djassa upp nokkur nýleg lög sem flokkast ekki undir djass í hefðbundnum skilningi. Ætla líka að henda út mörgum gömlum lögum sem mér þótti hvort eð er aldrei nógu skemmtileg.
Allar tillögur hvað varðar nýleg lög sem skemmtilegt væri að djassa velþegnar...Átta mig á að ég er hugsanlega að óska mér einhvers algjörlega ein úti eyðimörk...en hey sakar ekki tjékka hvort einhver hafi skoðun! Hún gæti meira að segja verið góð...

2005-09-28T14:14:00.000Z

oh, ég er búin að vera að vesenast með kommenta-kerfið. Búin að setja það upp en eina leiðin til að kommenta er með því að ýta fyrst á "blog" flippann hér að ofan...þá kemur kommentakerfið í ljós.

2005-09-28T10:25:00.000Z

í ljósi þess að ég er hætt að bíða eftir strætó og þess að ég er að hefja nýjan kafla sem svaka löffi hef ég valið mér nýtt viðeigandi bloggskinn...þið megið samt alveg ennþá tala við mig. Ekki búast við að ég svari...nema mér sé borgað fyrir það. Rukka fyrir hvert korter.

2005-09-27T16:43:00.000Z

mmm, lífið leikur við mig þessa dagana. Allt sem gat gengið upp gerði það og gott betur. Ótrúlegt hversu stutt getur verið á milli veðra í lífi mínu. Skólamál hafa öll gengið upp og nú hefur leikarinn ákveðið að fljúga heim til mín aftur. Ég er alveg í skýjunum...og löngu byrjuð að plana kósí kvöldstundir með heitt kakó, eða volgt rauðvín, góða bók í hendi, kertaljós, kossa og almenna væmni á meðan vindurinn ber gluggana. Gott er að vera hérumbil búin að losa sig við samviskubitið sem fylgir námi og mikið verður gott að geta hjúfrað sig upp að manninum í lífi sínu á ný. Já ég er heppin.

2005-09-27T13:52:00.000Z

soldið dubious þegar menn læsa að sér á skrifstofunni...

2005-09-22T11:47:00.000Z

ég skutlaði pabba til Keflavíkur um daginn. Er við fórum yfir all svakalega hraðahindrun á Njarðarveginum hafði hann á orði að hún væri mikil slysagildra og hafði áhyggjur af því að ég myndi ekki eftir henni á leiðinni til baka.
Eftir vinnu í gær, keyrði ég af stað, vel útbúin tónlist, í góða Mígeinum mínum. Ég gólaði hásstöfum alla leiðina til Njarðvíku og þóttist ekki taka eftir bílum sem tóku framúr mér. Lét ekkert trufla sönginn fyrr en ég keyrði inn Njarðarveginn. Þar snarþagnaði ég og keyrði löturhægt yfir hraðahindrunina, framhjá sjúkrabílum, stórklesstum bíl og grátandi fólki við vegkantinn. Hrollurinn hríslaðist um mig á meðan mér var hugsaði til hina slösuðu sem höfðu verið heilbrigð og áhyggjulaus nokkrum mínútum fyrr. Á sama tíma hafði ég verið að góla mig hása í áhyggjuleysi á Reykjanesbrautinni. Já lífið er hverfult.

Annars eyddi ég góðri kvöldstund með ömmu Grétu og afa í Njarðvík, svaf í 10 tíma og keyrði svo aftur í bæinn í morgun.

Mér heyrist Hera ætla að gefa út nokkuð flottari disk en hún hefur gert áður. Það er allavega "the first impression". Svona soldill Fiona Apple fílíngur í henni.

2005-09-21T16:37:00.000Z

Skrítið var að labba í gegnum lögberg með ritgerðina sína, framhjá 2. og 3. árs nemum og örfáum kunnuglegum andlitum. Einn gaur labbaði framhjá mér með grágásina á bók og eitt andartak hélt ég að nostalgía myndi grípa mig, en svo var ekki. Ég er fegin að vera búin með þennan kafla og tel mig tilbúna til að takast á við nýjan. Þegar ég labbaði út úr lögbergi með mitt eintak af ritgerð undir hendi, var létt yfir hjarta mínu og haus. Rak ég svo augun í nokkra krakka í reykingapásu sem ég áætlaði að væru á öðru ári frekar en því fyrsta og velti því fyrir mér hvernig þeim muni líða að nokkrum árum liðnum, þegar þau sjálf þramma út úr lögberginu með sitt eintak af ritgerð undir hendi. Hverjir ætli standi þá úti í reykingapásu?

2005-09-21T11:40:00.000Z

Það er eitthvað svo huggulegt við að koma við á bloggsíðu Heiðu þar sem hlýr titillinn: "lífið er skemmtilegt ef maður vill"tekur á móti manni. Kemur mér alltaf í betra skap. Annars er það að frétta af mér að ég er að reyna að finna einhverjar staðreyndir um sjálfa mig vegna "klukks" og svo er ritgerðin mín í prentun. Það er skrítin tilfinning.

2005-09-14T15:09:00.000Z

mér finnst rosa pirrandi þegar bloggarar blogga ekki neitt í marga daga og ég eyði dýrmætum tíma mínum í að vera sífellt að tjékka. Svo þoli ég heldur ekki þegar fólk segir eitthvað eins og "djöfull getur fólk verið leiðilegt" eða " vildi að þetta hefði ekki gerst" og svo bara ekki söguna meir. Maður situr eftir gjörsamlega á gati, slefandi af forvitni en fær ekkert meir að vita. Svona einka einka eitthvað sem þarf samt að auglýsa að sé til staðar en aðeins fyrir útvalda. Kannski er þetta einhver leið til að gleðja bestu vini sína...en mér finnst þetta bara hálf illgjarnt. Já mér ferst, sérstaklega hvað varðar bloggleysishjalið. Og já dem hvað þessi gaur í Kastljósinu sem tók viðtalið við Steinunni Valdísi og Gísla Martein er lélegur og leiðilegur. Þegar ég heyri manninn tala og reyna að hiksta út úr sér eitt stykki staðreynd og kannski tvær spurningar langar mig til æpa á hann "æj farðu heim!". Og meeeeen, hvað var með gelluna í draumnum mínum í nótt sem afgreiddi lyfseðilinn minn í Apóteki glottandi. Ég dreymdi ekki einu sinni hvað stæði á lyseðlinum...sá aðeins leiðinda glottið á andliti afgreiðsludömunnar sem ég reyndar þekki fyrir allt önnur störf en að vera Apótekari. Já en það er svona einka einka þið vitið. Bara fyrir bestu vini að vita.

2005-09-11T12:05:00.000Z

þetta er bara kreisí

2005-09-09T14:08:00.000Z

Sumir hefðu hlegið að mér í gærkvöldi þar sem ég lá uppí rúmi, eins skapvond og hugsast getur, sparkandi vindhöggum útí loftið. Ekki batnaði svo skapið þegar einhverjir hálfvitar ákváðu að leggjast á bílflautuna beint fyrir utan gluggann minn. Þar sem ég var farin að sjá rautt og reyk lagði frá eyrum mínum, henti ég af mér sænginni, og skundaði af stað til að öskra nokkur vel valin orð út um gluggann. Gott ef ég hefði ekki bara hent blómapotti í liðið í leiðinni. Ég var svo hvöss og reið í fasi að ég náði ekki einu sinni að halda jafnvægi út að glugganum, rann til og greip dauðahaldi í eina mubluna. Mér brá svo að mér rann reiðin...og áður en ég vissi af fossuðu tár niður kinnarnar þar sem ég grét og hló í senn.

Já ég ætti kannski að byrja aftur í jóganu.

2005-09-08T15:33:00.000Z

''If you board the wrong train, it is no use running along the corridor in the other direction''.

2005-09-07T22:38:00.000Z

Dabbi kallinn farinn í frí. Öfunda hann soldið. Veitti ekki af smá fríi.

2005-09-02T15:07:00.000Z

Blibb
Já eins og sjá má hef ég haft lítið að segja uppá síðkastið. Hef verið að vinna og skrifa og kroppahoppast. Er reyndar nokkuð stolt af því hvað ég hef verið skilvirk þessa vikuna. Verð þó að viðurkenna að það er í raun engu öðru að þakka en ég hef bara ekki haft neitt annað að gera. Engan að hitta eða neitt. Nei nei, svo slæmt er það ekki. Hef eytt dágóðum tíma í símanum inn á milli. Held barasta að ég hafi ekki haldið svona öru sambandi við múttu frá því hún flutti að heiman 1999. Nú get ég ekki beðið eftir að vinnudagurinn taki enda svo ég geti skundað út í sólina og kuldann. Ætla mér að eiga frábæra helgi þar sem mikið verður pælt, skrifað og kannski pínulítið keypt. Planið er að verðlauna sig með nýjum skóm, stígvélum, gallabuxum og vinnu-buxum á næstu vikum...ég held ég eigi það skilið, plús lesbíuskórnir mínir eru alveg við það að deyja úr eigin táfýlu. Sweeeet. Já og svo er bíllinn minn æði og heitir Mígei (e. me, gay). Og já eins og ég sagði, ég hef lítið að segja - bless.

2005-08-24T09:40:00.000Z

Einmana
Jæja nú eru allir flognir nema Boggan. Ég verð að viðurkenna að ég finn strax smá tómleika tilfinningu. Var rétt í þessu að átta mig á því að ég gæti ekki bara hringt í múttu eða Running Nose til að mæla mér mót. Þau eru annað hvort hinum megin á hnettinum eða hinum megin við Noreg. En auðvitað eru allir "only a phone call away" þannig að ég ætti nú bara að hætta að kvarta. Einnig fer ég og kaupi langþráð kroppa-hopp kort eftir vinnu á svaka tilboði og sæki nýja bílinn minn og Bogguna eftir vinnu á morgun. Já eins og ég sagði um daginn, breyttir tímar. Og ég ætti ekki að kvarta. Ég get ekki beðið eftir að fá skvísuna mína á morgun. Nú er bara næsta á prógramminu...hvað á maður að skíra hana? Það er líka spurning um að breyta lúkkinu á þessari síðu nú þegar ég hætti að nota strætó. Mun ekki standa mikið á strætóstoppustöðum eins og ég hef gert seinustu 6 árin. Vá ég trúi bara ekki að þetta sé að fara að gerast! Nú get ég gert svo svakalega mikið sem ég hef veigrað mér við áður! Ég get náð mér í pizzu á tilboði, farið í hvaða sundlaug sem ég vil, farið á Arnarstapa, heimsótt fjölskylduna í Bítlabænum og droppað í heimsóknir út um allan bæ, náð í nokkra lítra af mold til að umpotta og að lokum þá get ég sótt hvaða ástvin sem er út á völl án þess að þurfa að taka rútuna eða nokkurn strætó!!! Gaman gaman! Auðvitað var þetta allt hægt áður...bara svo mikið vesen eitthvað. Eða þið skiljið...?

2005-08-19T14:06:00.000Z

Mér þykir arfa slakt að ekki sé hægt að fá lánaðan rauðhaus...http://www.mbl.is/mm/frettir/erlent/frett.html?nid=1154415

2005-08-12T20:09:00.000Z

Maður er viðkvæmur
Já, ég hef verið erfið í skapinu undanfarna daga, farið að skæla alveg út í bláinn margoft og var að enda við að þerra tár yfir bloggi þar sem tilkynnt er um óléttu bloggarans...ég þekki bloggarann ekki neitt.

2005-08-11T16:42:00.000Z

Gærkvöldið
Þegar ég kom heim eftir mömmumat í Grafarvoginum tók á móti mér tómleg og köld íbúð. Ég reyndi að gera hlutina kósí, kveikti á kerti, hitaði mér te og settist fyrir framan tölvuna til að vinna. Leikarinn hringdi um hálf tíu leytið frá sinni heitelskuðu London, heill á húfi og glaður í nágrenni vina sinna. Mig langaði ekki lítið að vera honum við hlið, hverfa af landi brott og láta leiða mig í gegnum framandi hverfi London-borgar. Erfitt fannst mér að heyra hve langt hann var í burtu...Var ég því mjög fegin þegar ég talaði við bróður minn, Running Nose, stuttu síðar og við ákváðum að fá okkur einn öl saman. Það var langt síðan við höfðum hist tvö til að spjalla. Við áttum góða stund og ræddum komandi vetur. Hann er nefnilega að flytja aftur til Svíþjóðar. Hafði nokkrar áhyggjur af farmiða-kaupum en var almennt frekar afslappaður svona eins og hann er alltaf. Á miðnætti ákvað ég að fara heim. Borðaði appelsínu, drakk vatn og gat ekki hugsað mér að fara að sofa inn í rúmi. Bjó því um mig á sófanum með sæng og læti, og setti Ally McBeal í tækið. Ótrúlegt en satt var næsti þáttur í röðinni, þátturinn um það þegar Robert Downey Jr. verður að flytja frá Ally til Detroit vegna sonar síns. Auðvitað fann ég mig endalaust í þættinum og táraðist á viðeigandi stöðum. Svaf síðan ofurlaust...vaknaði við þrusk sem ég var viss um að kæmi úr eldhúsinu...viss um að einhver ofbeldismaður væri staddur í íbúðinni, sofnaði svo aftur, dreymdi illa og svaf næstum yfir mig í morgun.
Sem betur fer hefur verið ansi mikið að gera í vinnunni í dag. Leiddi því hugann að mestu leyti að öðru en sjálfsvorkun sem án efa tekur sig upp á ný í kvöld. Ég hef verið að humma "All by myself" seinasta klukkutímann.
Nei hei...er ekki desperate housewives í sjónvapinu í kvöld? Vúúúúúbbí!
Í tilefni þess ætla ég að fara út að hlaupa eftir vinnu.
Ég var að átta mig á því að ég er nú orðin ein af þessum hundleiðilegu bloggurum sem blogga um hvert smáatriði, meira segja um það sem þeir borða, gosh! ég ætla að hætta því...reyni að vanda mig á morgun. promise

2005-08-10T13:43:00.000Z

Bloggbreytingar
Jæja þá er leikarinn floginn í bili og eftir sit ég með sárt...nei, meiri tíma og verkefni sem hafa beðið mín. Ég fór nú soldið að skæla í hádeginu þegar ég horfði á eftir leigubílnum en er nú full tilhlökkunar vegna fyrirhugaðrar ferðar til London. Maður er náttúrulega pínu klikk, farinn að hlakka til strax. Nú hef ég orku og tíma til að gera margt og mikið sem ég finn einhvern veginn aldrei tíma fyrir þegar kærastinn býr heima hjá mér. Ég er nú þegar búin að búa til ljúf plön um líkamsrækt, kaffihúsaferðir, systrakvöld um helgina, og svo er smá skipulag sem þarf til að ég geti fjárfest í bíl á næstunni...jamm og já það er margt framundan sem þarfnast athygli og lítur langflest af því að sjálfri mér. Um mig, til mín, frá mér. Ég er staðráðin í því að velta mér ekki uppúr áhyggjum og ætla aldeilis ekki að fara að grenja mig í svefn á kvöldin. Allavega ekki öll kvöld.

Já nú eru breyttir tímar...

Ég ætla að breyta blogg útlitinu mínu aftur...þetta er eitthvað svo flókið.

2005-08-03T17:49:00.000Z

Great story...

...I found on bighappyfunhouse.com:

When I was growing up, money was tight. Going to the barber was something we really couldn't afford. We got our haircuts in the kitchen at home, just like the pic above. My mom would don her smock - get out the "good scissors" - wrap me in a giant bib and hack away at my head. Mom had two basic styles which she had mastered. The Bowl and The Tard . I didn't name them. These were names the kids at school had for the different haircuts. You'd show up at school and the first kid who saw you would smirk and say "Nice bowl" or "Hey, look at the tard". (You usually had to insult him back in some way or another just to keep things even or risk further abuse.)
After a few years of practice, mom started adding creative touches to her stylings. Instead of a straight bowl cut, she'd add the Spock vulcan curve to your bowl cut. This haircut would inspire some truly creative insults from your classmates. I actually got suspended from school for fighting when my friend Mike wouldn't let up about my Spock haircut.
As humiliating as the Spock was, it was nothing compared to the Zayre haircut.
Zayre was an ultra discount 1970s department store. It was like a dollar store on steroids. These were the pre-Walmart days. Zayre was king. There were tons of odd, wholesale products dumped at Zayre. As a kid, going to there was a blast. There was always some cheap crappy thing you could con your parents into buying for you. You'd come back to the neighborhood with your load of strange off-brand toys and explain to the other kids " We went to Zayre ! ".
One day, mom dragged my sister and I to Zayre so we could buy new pair of scissors. We had to buy new ones beacuse I ruined the old scissors trying to perform an amputation on my sisters Barbie doll. (boy, did I catch hell for that one) On the drive there, she was telling us about a new haircut she read about in a magazine. She seemed excited about getting to "try to out" on me. Up until then, I was fine with getting a haircut. That was, until I heard the words "try it out". That was a major red flag when dealing with my mom. "Try it out" usually meant you about to be the guinea pig in some horrible experiment. God only knew what would happen to you but it was never good. As I thought about it more, I started to get a bad feeling about the haircut. What the hell kind of haircut was I in for and how could I get out of it?
We walked in under the giant orange Zayre sign and mom headed straight for the hair care section. My sister ran ahead of us. She always wanted to be first everywhere we went. As mom and I walked up, my sister was standing in front of a big orange sign that said "Space Age Hair Cutting System". My sister was holding a round plastic disc in her hands. She looked up and said "What's this mom?". Mom picked one up and looked closer. It looked like a small flying saucer with a tiny razor blade inside. The box said "Cuts Hair In Half the Time". A light bulb went off in my head. I saw this as my way out of the "try it out" haircut my mom had planned for me. I said the magic words that my mother couldn't resist.
"Look mom, they're on sale"
She didn't resist. Mom bought two of the Space Age Hair Cutting Discs. The scissors were long forgotten. Mom was so happy she'd saved some money, my sis and I each got to ride the 25 cent mechanical horse in front of Zayre.
Later that night, mom sat me down in the kitchen for my Space Age Zayre haircut. She read the instructions on the box while I fidgeted in the chair. That damned bib was itching my neck and I wanted her to hurry up so I could go play. Finally it was time to start. She held out the first length of my hair and pressed the disc onto it. I saw a clump of hair fall past my eyes. A big clump. A really really big clump. I heard mom say "boy, these are sharp". I knew I was in trouble.
I got hacked. Worse than hacked. My hair was sticking out all over the place. I looked like I just escaped from the looney bin. It was the worst haircut I ever received in my life. I know mom tried her best, but those discs were designed by the devil himself. They were pure evil.
I showed up at school the next day expecting the worst from my friends. The first one I saw was Mike. He just looked at me with his mouth open. No wise ass comment, just a shocked stare. I wanted him to say something, anything just to get it over with. He finally said slowly
"What the hell happened to you?"
I just shook my head and said "We went to Zayre."

2005-08-03T15:40:00.000Z

Breytingar
Játs ég er búin að breyta öllu á þessari síðu...enda komin tími til. Ég á eftir að setja inn fullt af nýjum linkum og uppfæra gamla. Einnig er planið að setja inn nýja dagskrárliði og ég veit ekki hvað og hvað...Þó svo ég ætli mér að gera margt og mikið þá þori ég samt ekki að lofa neinu...ég hefði kannski frekar átt að þegja bara með þessi plön...Enníveis, eins og þið sjáið þá er nú miklu skemmtilegra að skoða síðuna. Því miður hef ég ekki enn getað fundið út hvernig ég set inn kommentakerfið í þessu formati og get því ekki heyrt frá neinu ykkar hvað varðar skoðanir og svoleiðis...(Ein í smá denial...læt eins og það rigni yfir mann kommentum venjulega-hehe). Allavega, smá sprauta í bloggið fyrir sjálfa mig.